Sunday, 3 May 2020
Saturday, 2 May 2020
അത് ചിത്രീകരക്കരിക്കുന്നതിനിടെ ഞാന് പൊട്ടിക്കരഞ്ഞു, ഭര്ത്താവ് നിസ്സഹായനായി നോക്കി നിന്നു: സണ്ണി ലിയോണ് വെളിപ്പെടുത്തുന്നു
തന്റെ ജീവിത കഥ പറയുന്ന ‘കരൺജീത് കൗർ ദ അൺറ്റോൾഡ് സ്റ്റോറി ഓഫ് സണ്ണി ലിയോൺ’ എന്ന വെബ്സീരീസിന്റെ അവസാന സീസണിന്റെ ചിത്രീകരണത്തിനിടെ താൻ പൊട്ടിക്കരഞ്ഞെന്ന് തുറന്നു പറഞ്ഞിരിക്കുകയാണ് ബോളിവുഡ് താരം സണ്ണി ലിയോൺ.
തന്റെ ജീവിതത്തിലെ ചില കറുത്ത അധ്യായങ്ങളിലേക്കു തിരികെ പോക്ക് ഒട്ടും എളുപ്പമായിരുന്നില്ലെന്നും ആ ഓർമകൾ തന്നെ ഏറെ വേദനിപ്പിച്ചെന്നും ഒരഭിമുഖത്തിൽ സണ്ണി പറഞ്ഞു.
ജീവിതത്തിലെ ആ കറുത്ത ദിനങ്ങളിലേക്കു തിരികെ നോക്കുക ഒട്ടും എളുപ്പമായിരുന്നില്ല. അതൊക്കെ ഒരു ദുഃസ്വപ്നമാണെന്ന് വിശ്വസിക്കാനാണ് എനിക്കിഷ്ടം. എന്റെ അമ്മയുടെ മരണവും കാൻസർ ബാധിതനായ അച്ഛന്റെ മരണവുമൊന്നും ഞാൻ ഓർക്കാൻ ആഗ്രഹിക്കുന്നില്ല.
ആ വേദനിപ്പിക്കുന്ന ഓർമകളിലേക്ക് തിരികെ പോകാൻ ഞാനൊരിക്കലും ആഗ്രഹിക്കുന്നില്ല. ചിത്രീകരണ സമയത്ത് ഞാൻ പൊട്ടിക്കരഞ്ഞു. ഭർത്താവ് ഡാനിയേൽ വെബർ നിസഹായനായി നോക്കിനിൽക്കുകയായിരുന്നു. കാരണം, എന്റെ ജീവിതത്തിലെ ആ അധ്യായങ്ങൾ തിരുത്തി എഴുതാൻ കഴിയില്ലെന്ന് അദ്ദേഹത്തിന് അറിയാമായിരുന്നു’ സണ്ണി പറഞ്ഞു.
തന്റെ വളർത്തുമക്കളെക്കുറിച്ചും സണ്ണി മനസ്സു തുറന്നു, എന്റെ ആൺമക്കൾ തീരെ ചെറുതാണ്. മകൾ നിഷയ്ക്ക് ചിത്രകലയിൽ താൽപര്യമുണ്ട്. അവൾ രണ്ടര വയസുളളപ്പോഴാണ് ബ്രഷ് കൈയിലെടുത്തത് സണ്ണി പറഞ്ഞു.
അമേരിക്കൻ പോൺ സിനിമാ രംഗത്തു നിന്നും ബോളിവുഡിന്റെ ലോകത്തേക്കുള്ള കരൺജീത് കൗർ വോഹ്ര എന്ന സണ്ണിയുടെ യാത്രയാണ് സീരീസിലൂടെ പറയുന്നത്.
കാനഡയിൽ താമസമാക്കിയ ഒരു ഇടത്തരം സിഖ് കുടുംബത്തിലാണ് കരൺജീത് കൗർ എന്ന സണ്ണി ലിയോണിന്റെ ജനനം. സിനിമ മേഖലയിലേക്ക് ചുവടുമാറിയതോടെയാണ് അവർ സണ്ണി ലിയോൺ എന്ന പേര് സ്വീകരിക്കുന്നത്
Friday, 1 May 2020
മലയാള സിനിമയിലെ ഏറ്റവും ഇഷ്ടമുള്ള നടനാര്; തുറന്നു പറഞ്ഞു ശോഭന..!
മലയാള സിനിമയിൽ ഒരുപക്ഷെ ഏറ്റവും കൂടുതൽ ആരാധകരുള്ള നായികാ നടി ആരാണെന്നു ചോദിച്ചാൽ ശോഭന എന്നായിരിക്കും കൂടുതൽ പേരുടേയും ഉത്തരം. മലയാളത്തിലെ സൂപ്പർ താരങ്ങളായ മോഹൻലാൽ, മമ്മൂട്ടി, സുരേഷ് ഗോപി, ജയറാം എന്നിവർക്കൊപ്പം എൺപതുകളിലും തൊണ്ണൂറുകളിലും നിറഞ്ഞു നിന്ന ശോഭന ഇന്ത്യൻ സിനിമയിലെ തന്നെ ഏറ്റവും മികച്ച നടിമാരിലൊരാളായാണ് വിലയിരുത്തപ്പെടുന്നത്. മണിച്ചിത്രത്താഴ്, മിത്ര് എന്നീ ചിത്രങ്ങളിലെ പ്രകടനത്തിലൂടെ മികച്ച നടിക്കുള്ള ദേശീയ പുരസ്കാരം രണ്ടു തവണ നേടിയിട്ടുള്ള ശോഭന മണിച്ചിത്രത്താഴിലെ പ്രകടനത്തിന് കേരളാ സംസ്ഥാന ചലച്ചിത്ര അവാർഡും ഇന്നലെ, തേന്മാവിൻ കൊമ്പത്തു എന്നീ ചിത്രങ്ങളിലൂടെ ഫിലിം ഫെയർ അവാർഡുകളും നേടിയെടുത്ത നടിയാണ്. മോഹൻലാൽ ആണോ മമ്മൂട്ടി ആണോ കൂടുതൽ പ്രീയപ്പെട്ട നടനെന്ന ചോദ്യത്തിന് മോഹൻലാൽ എന്നുത്തരം നൽകുന്ന ശോഭനയെ നമ്മൾ കണ്ടിട്ടുണ്ട്. എന്നാൽ മലയാളത്തിൽ ഏറ്റവും കൂടുതൽ ഇഷ്ട്ടമുള്ള നടനാരെന്ന ചോദ്യത്തിന് കഴിഞ്ഞ ദിവസമാണ് ശോഭന ഉത്തരം നൽകിയത്. ഫേസ്ബുക് ലൈവിൽ വന്നപ്പോൾ ആരാധകൻ ചോദിച്ച ചോദ്യത്തിന് ശോഭന നൽകിയ ഉത്തരം മലയാളത്തിലെ അഭിനയ കുലപതിയായ, അന്തരിച്ചു പോയ നടൻ തിലകന്റെ പേരാണ്.
മണിച്ചിത്രത്താഴ്, പവിത്രം, മായാമയൂരം, മിന്നാരം, മിന്നാമിനുങ്ങിനും മിന്നുകെട്ട് തുടങ്ങി ഒട്ടേറെ ചിത്രങ്ങളിൽ തിലകനൊപ്പം അഭിനയിച്ചിട്ടുണ്ട് ശോഭന. ഏതായാലും മോഹൻലാൽ അല്ലെങ്കിൽ മമ്മൂട്ടി എന്നായിരിക്കും ശോഭനയുടെ ഉത്തരം എന്ന് പ്രതീക്ഷിച്ചിരുന്നവരെ നിരാശപ്പെടുത്തിയെങ്കിലും, വളരെ ബുദ്ധിപരമായി ഇരുവരുടേയും പേര് പറയാതെ അവരുടെ ആരാധകരെ നിരാശപ്പെടുത്തിയുമില്ല ശോഭന. ശോഭന ഏറ്റവും കൂടുതൽ ചിത്രങ്ങളിൽ നായികയായി അഭിനയിച്ചത് മോഹൻലാൽ, മമ്മൂട്ടി എന്നിവർക്കൊപ്പമാണ്. സുരേഷ് ഗോപി, ജയറാം എന്നിവർക്കൊപ്പവും ശോഭന ഒട്ടേറെ ചിത്രങ്ങളിൽ അഭിനയിച്ചിട്ടുണ്ട്. വർഷങ്ങൾക്കു ശേഷം ശോഭന അഭിനയിച്ചു റിലീസ് ചെയ്ത വരനെ ആവശ്യമുണ്ട് എന്ന ചിത്രത്തിൽ സുരേഷ് ഗോപി ആയിരുന്നു ശോഭനയുടെ നായകൻ. ഈ വർഷം റിലീസ് ചെയ്ത വരനെ ആവശ്യമുണ്ട് സംവിധാനം ചെയ്തത് അനൂപ് സത്യനാണ്.
Subscribe to:
Posts (Atom)
Automata Network News Automata is now listed on Binance! Read...
